Policia e Vlorës ka bllokuar një mjet lundrues skaf dhe ka ndëshkuar me masë administrative pronarin e tij, për shkak se nuk e kishte regjistruar mjetin lundrues sipas procedurave ligjore. Strukturat e Drejtorisë Vendore për Kufirin dhe Migracionin Vlorë, në kuadër të bashkëpunim edhe rojën bregdetare, për kontrollin e vijës bregdetare, me qëllim verifikimin e mjeteve lundruese që përdoren për turizëm apo për peshkim, kanë bllokuar skafin në fjalë me pronar shtetasin G. G pasi nuk e kishte regjistruar mjetin lundrues sipas procedurave ligjore të paracaktuara në ligjin e vitit 2020. Për këtë shkelje, pronari u gjobit me 20 000 lekë të reja Gjithashtu, policia ka bllokuar edhe një mjet tjetër lundrues që përdorej për peshkim, pasi është konstatuar në një zonë të ndaluar për peshkim në vijën bregdetare Vlorë – Himarë - Sarandë". Shërbimet e Policisë Kufitare kanë bllokuar për verifikime të mëtejshme nga Inspektoriati i Peshkimit Vlorë mjetin lundrues flluge që përdorej për peshkim, në pronësi të shtetasit E. M Policia sqaron se kontrollet do të vijojnë përgjatë gjithë vijës bregdetare, me qëllim verifikimin e të gjitha mjeteve lundruese që përdoren për aktivitete të ndryshme dhe për evidetimin e rasteve të përdorimit të këtyre mjeteve në mënyrë të kundërligjshme.