Vllaznia në mbyllje të këtij sezoni, ku pret të luaj edhe finalen e Kupës së Shqipërisë ditën e hënë përball Skëndërbeut, pret të mësojë këto ditë zyrtarisht të presidentit të ri, Alban Xhaferri. Si sponsori këtij sezoni të suksesshëm të skuadrës shkodrane, Xhaferri, i paraqitur në ankandin e hapur prej muajsh me firmat Albaphoto dhe Albasport, tashmë konsiderohet fitues me ofertën prej 65 milionësh lekësh të reja. Aktualisht ankandi i hartuar në tre faza ka skualifikuar më parë për mungesë dokumentacioni dy ofertuesit e tjerë Joni 5 dhe Almiro Gurakuqi bashkë me Carpathia Shpk. Këta të fundit kanë dërguar një ankesë duke e konsideruar si gabim njerëzor mangësinë e dokumentacionit në dosje, por gjithcka duket të jetë rrëzuar përfundimisht ditën e premte. Top Channel ka siguruar kthimin e përgjigjes ndaj këtij ofertuesi nga Bashkia Shkodër, ku në sqarimin e mungesës së një sërë dokumentacioni, mbyllet me përgjigjen: ” “Ankesa e paraqitur nga bashkimi i operatorëve ekonomik “Almiro Gurakuqi”, person fizik dhe “Carpatha” SH.P.K, nuk qënmdron dhe në këto kushte nuk merret parasysh.