Në krah të George Bushit për një luftë që u justifikua kurrë, por për të cilën nuk u pendua kurrë. Ish-Sekretari amerikan i mbrojtjes, Donald Rumsfeld, arkitekt kryesor i ndërhyrjes në Irakut, u shua në moshën 88-vjeçare në Nju Meksiko. "Gjatë gjashtë dekadave të shërbimit të tij, historia mund ta kujtojë atë për arritjet e tij të jashtëzakonshme", tha familja e tij në një deklaratë. Figura e Rumsfeld, i cili kishte marrë emër si drejtues i aftë e vizionar për ushtrinë moderne amerikane, u njollos megjithatë nga ndërhyrja e tejzgjatur dhe e kushtueshme ushtarake e Shteteve të Bashkuara në Irak. I krahasuar me ish-Sekretarin e Mbrojtjes së periudhës së Luftës së Vietnamit, Robert McNamara për nga ndikimi dhe autoriteti që gëzonte në Uashington si shef i Pentagonit, Rumsfeld ishte karizmatik por edhe shumë pompoz në këtë post dhe mishëronte qëndrimin më agresiv të administatës së Presidentit Bush përballë sfidave globale.