Donald Trump pohon se Irani e ka kontaktuar për të kërkuar negociata, pas kërcënimeve të tij se Shtetet e Bashkuara do të ndërhyjnë ushtarakisht në mbrojtje të demonstruesve. Presidenti amerikan pohoi se ai dhe ushtria po shqyrtojnë disa opsione shumë “të forta” lidhur me Republikën Islamike, të cilët i kaë dërguar disa paralajmërime për të mos qëlluar mbi tubuesit e pafajshëm. Por grupet e të drejtave të njeriut flasin për të vrarë e mijëra të arrestuar, ndërsa vala e protestave nuk duket se po fashitet, përkundrazi ato janë shtrirë akoma edhe më shumë në mbarë Iranin, paavrësisht shtypjes brutale nga ana e Teheranit zyrtar. Udhëheqësit e Iranit telefonuan. Po organizohet një takim…. Ata duan të negociojnë. Megjithatë, në varësi të situatës neve mund të na duhet të të veprojmë edhe para një takimi. Irani vetë nuk ka reaguar ndaj këtyre deklaratave të shefit të Shtëpisë së Bardhë. Nuk ishte menjëherë e qartë se çfarë mund të kërkonte Irani të negociojë. Të dy vendet në të kaluarën kanë pasur bisedime indirekte lidhur me programin bërthamor të diskutueshëm të Teheranit. Shtetet e Bashkuara dhe vende të tjera perëndimore kanë dënuar shtypjen e protestuesve nga qeveria dhe më parë kanë vendosur sanksione ndaj Teheranit për atë që thonë se është një përpjekje për të zhvilluar armë bërthamore, gjë që Irani e mohon. Sipas raporteve të pakonfirmuara në mënyrë të pavarur, më shumë se 500 persona janë vrarë në mesin e shtypjes së dhunshme që i është bërë demonstrative në Iran e gjatë 15 ditëve të fundit.