Ushtria meksikane demonstronte sot për mediat taktikat e zbulimit dhe shkatërrimit të minave anti-njeri të lëna nga grupet kriminale në plantacionet fitimprurëse të avokadove. Vendi ndaloi javës që shkoi dërgesat e avokadove drejt SHBA por në rajonin Miçoakan vijon beteja për kontrollin e mallrave të cmuara bujqësore. Në qytezën e Aguilia, vendlindja e El Menço, kreut të kartelit Jalisco Nueva Generacion, ndërtesa me vrima plumbash qëndrojnë pranë të korrrave të braktisura dhe minave të fshehura nën to. Shitjet e avokadove arritën në 2.8 miliardë dollarë në 2021, dhe fruti është një burim fitimesh edhe per kartelin rival Los Viagras, që lufton për kontrollin e rrugëve të trafikut. Minat anti-njeri kanë vrarë qindra njerëz në Miçoacan në 2021 teksa që prej dislokimit të ushtrisë janë zbuluar 250 prej tyre, tha një ushtarak për rrjetin AFP. Rezidentët e Aguililla me rreth 14,000 banorë – thanë se shpresojnë që ushtria të qëndrojë sa më gjatë. "Shpresojmë që të ketë paqe," thotë një burrë i moshës së mesme që nuk preferonte të jepte emrin e tij, duke shtuar se kriminelët janë duke pritur që ushtria të largohet.