Komisioneri i Lartë i OKB-së për të Drejtat e Njeriut, Volker Türk deklaroi se tha se uria e konstatuar në disa pjesë të veriut të Gazës është rezultat direkt i veprimeve të ndërmarra nga qeveria izraelite" dhe insistoi se "përdorimi i urisë si metodë lufte përbën krim lufte". Deklarata e Türk-ut për gazetarët erdhi pasi disa organizata ndërkombëtare, që përdorin për vlerësimet e tyre instrumentin Klasifikimi i Integruar i Fazave të Sigurisë Ushqimore (Integrated Food Security Phase Classification - IPC), deklaruan se ka "prova të arsyeshme" se disa zona të enklavës po vuajnë nga zia e bukës. Sipas shefit të OKB-së për ndihmat humanitare, Tom Fletcher, tha se uria mund të parandalohejnëse OKB-së nuk do t'i ishte ndaluar që të dergonte furnizime me ndihma ushqimore. "Nëse do të na ishte lejuar vazhdonim dërgimin e ndihmave zija e bukës mund të parandalohej. Kurse tani ushqimet mbeten në kufi për shkak të pengesave sistematike nga Izraeli", tha Fletcher. Sekretari i Përgjithshëm i OKB-së, Antonio Guterres, i quajti kushtet në Rripin e Gazës si "katastrofë të shkaktuar nga njeriu", duke shtuar se Izraeli është i detyruar sipas ligjit ndërkombëtar që të siguronte rrjedhën e ndihmave humanitare. "Nuk mund ta lejojmë që kjo situatë të vazhdojë pa u ndëshkuar", shtoi ai. Por Izraeli e hodhi poshtë vlerësimin e IPC-së për zinë e bukës në disa pjesë të Rripit të Gazës, duke thënë se raporti bazohet në "gabime metodologjike" dhe "burime jo të besueshme". Kryeministri izraelit Benjamin Netanjahu e quajti raportin e mbështetur nga OKB-ja "kryekëput gënjeshtër". Netanyahu tha se raporti i IPC-së, sipas të cilit të paktën 514,000 vetë po përjetojnë aktualisht zi buke në Rripin e Gazës, injoronhapat humanitare të Izraelitgjatë javëve të fundit. "Izraeli nuk ndjek një politikë urie, Izraeli ndjek një politikë për të parandaluar urinë", deklaroi kryeministri izraelit.