Kuadratë me ushtarë të Ukrainës marshonin sot në kryeqytetin Kiev, bashkë me ushtarakë të vendeve të NATO-s, në 30-vjetorin e pavarësisë së vendit nga BRSS. Shfaqja e solidaritetit të Ukrainës me Perëndimin u miratua në një samit në Kiev të hënën. Zhvillimi vjen në një kohë kur Kievi po shton përpjekjet politike kundër aneksimit të Krimesë nga Rusia dhe konfliktit të vazhduar në lindje. Vendi nuk është ende anëtar i NATOs por dëshiron të bashkohet në aleancë. Më shumë se 5,000 trupa të forcave ushtarake përshëndetën presidentin Volodimir Zelinski, duke marshuar bashke me dhjetra ushtarë nga SHBA, Britania e Kanadaja. Prezentë në paradë ishin presidenti polak Andrej Duda, Presidenti i Lituanisë Gitanas Nauseda dhe ministri i jashtëm francez Iv Le Drian. Shumica e ushtarëve ukrainas në paradë kanë luftuar kundër separatistëve pro-rusë në konfliktin e rajonit lindor Donbas prej 2014. "Në këtë ditë feste, të kujtojmë ata që na mundësuam të jemi këtu, mbrojtësit e pavarësisë sonë," tha presidenti Zelinski. Mijëra spektatorë valëvisnin flamurë ukrainas gjatë parakalimit të më shumë se 400 tankeve e autoblindave.