Në gjendje të traumatizuar dhe paniku, Kevin Hajrulla, i cili u plagos nga një breshër plumbash, është marrë në pyetje nga blutë e Vlorës në ambientet e spitalit në Tiranë, ku vijon të qëndrojnë nën kujdesin e mjekëve. 30-vjeçari nuk e ka ndihmuar grupin hetimor në dëshminë që ka dhënë përpara tyre, pasi nuk ka pranuar se ka pasur konflikte me njeri. “Nuk kam konflikt me asnjë dhe nuk e di se cfarë mund të ketë ndodhur. Jam traumatizuar dhe nuk mbaj mend momentin, as persona, s’kam parë gjë. Jam kusheri me Inezin, por jam takuar rralle me të”, mësohet të ketë thënë Hajrulla. I pyetur për momentin e atentatit, Kevin Hajrulla kujton pak ngjarjen, por jo plotësisht. Deri tani Hajrulla ka bërë 3 ndërhyrje në trup duke hequr gjithë plumbat, por do i nënshtrohet edhe ndërhyrjeve të tjera sipas bluzave të bardha. Ndërkohë burime të grupit hetimor bëjnë me dije se hetimet kanë avancuar nëpërmjet këqyrjes së kamerave të sigurisë, por deri tani nuk janë identifikuar ende autoret. Kevin Hajrulla u plagos rëndë në datë 18 Dhjetor ne lagjen 24 maji, ndersa ishte duke levizur me automjetin e tij tip “Benz mercedez”. Ndaj tij i qëllua me mbi 50 plumba, ndërsa u plagos edhe një person tjetër rastesisht në vendngjarje. Hajrulla është duke marrë mjekim në Tiranë pas plageve të shumta të marra në pjesë te ndryshme të trupit.