Mozzik u rikthye dje në qendër të vëmendjes, pasi u përfol se reperi i njohur u ndalua nga autoritetet e Kosovës. Lajmi bëri xhiron e rrjeteve sociale, duke ngjallur reagime të shumta nga ndjekësit dhe fansat e artistëve. Por nuk kaloi pa u vënë re as nga Noizy, i cili postoi disa instastory, ku dukej qartazi që ishin ‘thumbim’ ndaj Mozik. Sipas burimeve në mediat e Kosovës, Mozzik po mbante me vete dy orë të markave prestigjioze, një Richard Mille dhe një Rolex, që ngritën dyshime për origjinën e tyre (vlera përllogaritet rreth 1.5 mln euro). Në një prej story-t, Noizy ka ndarë një screenshot të një faqeje ëeb ‘made in China’, ku duket fotoja e një ore me vlerë 668 dollarë. Mbi foton, reperi shqipatr shkruan “E du dhe unë një kshu urgjent”, ndërsa ka rrethur çmimin dhe “Made in China”. Dikur, Mozzik dhe Noizy kishin një marrëdhënie të mirë dhe bashkëpunuan në këngën “Bonjour Madame”, që pati sukses të madh. Por marrëdhënia e tyre u prish dhe kënga u fshi nga të gjitha platformat muzikore, një veprim që zbuloi thellësinë e konfliktit mes tyre, edhe pse asnjëri prej tyre nuk e ka shpjeguar plotësisht publikisht arsyen e ndarjes.