Nga parlamenti turk mbërrin OK-i i parë për anëtarësimin e Suedisë në Nato. Komisioni për Marrëdhëniet me Jashtë i dha dritën jeshile protokollit mbi kërkesën e pranimit të vendit nordik në aleancën veri-atlantike, dhe tani, ajo i shkon për ratifikim Asamblesë së Përgjithshme të Parlamentit turk. Në fazën e fundit, vendimi firmoset nga presidenti Recep Tayyip Erdoğan. Suedia dhe Finlanda hoqën dorë nga politika e tyre disa dekadëshe e neutralitetit ushatarak pasi Rusia sulmoi Ukrainën shkurtin e vitit 2022, duke synuar kështu mbrojtjen e aleancës më të fuqishme ushtarake të globit përballë fqinjit të madh, agresiv e të paparashikueshëm. Kërkesat e tyre morën aprovimin e shpejtë të anëtarëve të tjerë të aleancës, por hasën në rezistencën e Turqisë dhe Hungarisë. Në muajin prill të dyja këto vende vendosën të heqin pengesat e tyre në rrugën e pranimit të Filandës, që u kthye në vendin e 31-të anëtar të NATOs. Por 19 muaj pas paraqitjes së të njëjtës kërkesë, Suedia mbeti jashtë dhe vetëm tani, shpresat e saj për bashkim me aleancën po marrin hov sërish. Në muajin nëntor, komisionit i punëve të jashtme të parlamentit turk nuk kishte arritur dot një marrëveshje mbi këtë cështje, dhe diskutimet qenë shtyrë për pasditen e 26 dhjetorit. Pamjet: AFP