Kjo anije sulmi amfibe iu shtua Forcave të Armatosura turke këtë të hënë. Anija ushtarake TCG Anadolu me gjatësi 231 metra dhe gjerësi 32 metra do të mbaj në bordin e saj, heliopterë e dronë ushtarakë. Po ashtu, ky mjet lundrues do të shërbejë dhe për transportimin e të paktën 94 automjeteve të ushtrisë, përfshirë këtu dhe 13 tankeve. “Dronët turk Bayraktar TB3 dhe Kizilelma dhe luftëtarët e lehtë Hurjet do të jenë në gjendje të ngrihen dhe të zbresin në anije”, tha presidenti Rexhep Tajip Erdogan që tashmë ka rinisur fushatën elektroale për zgjedhjet e majit. Ai deklaroi se anija e re do t'i lejojë Turqisë që të kryejë operacione ushtarake dhe humanitare në katër anët e botës nëse do të jetë e nevojshme. Turqia, edhe pse anëtare e NATO-s, ka zhvilluar ndjeshëm industrinë e saj të mbrojtjes në vitet e fundit. Përfshirë këtu dronët luftarak që janë prodhuar nga kompania Baykar, e cila ka si bashkërponar dhëndrin e presidentit Turk. Avionët pa pilotë të prodhuar nga Ankaraja deri më tani janë përdorur në Azerbajxhan, Libi dhe Ukrainë. Ndërkohë vitin e kaluar ishte Kina që zbuloi transportuesin e saj të parë ushtarak për dronët. Pamjet: AFP