Automjete të policisë u dogjën sot nga turma e protestuesve në një grumbullim ilegal të protestuesve në fushat e Poitiers në Francën qendrore. Protesta e dhunshme sot në fshatin Sainte-Soline ishte kundër planeve për ndërtimin e një impianti të depozitimit të ujit që vendasit besojnë se kërkon të reduktojë furnizimet e tyre. Ndërkohë protestat në të gjithë vendin vijojnë kundër reformës së pensioneve të kaluar pa maxhorancë nga qeveria e Macron. “Policia humbi kontrollin, ata lëshuan koktejle Molotov kur oficerët lëshuan gazin lotsjellës”, tha një protestues në Saint-Soline, për rrjetin britanik Daily Mail. Ndërsa një zëdhënës i policisë tha: “Ndaj nesh u përdorën eksplozivë prandaj ne po përpiqemi të marrim situatën nën kontroll. Ka disa radikalë në turmë që po përpiqen të plagosin forcat e rendit”, tha policia. Zyrtarët thanë se rreth 6,000 vetë kishin ardhur në protestë, mes të cilëve mbështetës të protestave kundër reformës së pensioneve të qeverisë Macron. Depozita e kontestuar e ujit në Sainte-Soline është një nga 16 instalacionet për të reduktuar përdorimin e ujit gjatë verës, por kritikët thonë se “mega-basenet” do të përdoren për ferma gruri për eksport, që dëmtojnë ekonominë e komuniteteve lokale. Pamjet: AFP