Një operacion tokësor i Shteteve të Bashkuara në Iran për presidentimn amerikan Donald Trump, do të ishte humbje kohe. Në një intervistë për NBC Neës, Trump e cilësoi një skenar të tillë si të panevojshëm. Është humbje kohe. Ata kanë humbur cdo gjë. Kanë humbur marinën e tyre, kanë humbur gjithçka që mund të humbisnin. Duke reaguar ndaj një deklarate të ministrit iranian të Jashtëm, Abbas Araghchi, sipas të cilit një operacion tokësor amerikan do të përfundonte me një “katastrofë”, Trump u shpreh vetëm se këto ishin thjesht “fjalë boshe”. Araghchi qe shprehur se Republika Islamike është e përgatitur për çdo situatë të mundshme, qoftë kjo edhe një inkursion tokësor. “I presim armiqtë, jemi të sigurtë që mund t`i bëjmë ballë”, deklaroi kreu i diplomacisë iraniane. Por Trumpi është i bindur në fuqinë e ushtrisë amerikane; “Ne kemi burime të mjaftueshme për të vazhduar sulmet. Kemi aq shumë muncione sa njerëzit nuk e kuptojnë, kemi më shumë se kurrë u shpreh ai. Më tej, ai këmbënguli se SHBA-ja duhet të ketë rol në përzgjedhjen e udhëheqësit të ri të Iranit, pasi lideri suprem Ali Khamenei u vra që në valën e parë të sulmeve të SHBA-së dhe Izraelit. “Ne duam të hyjmë atje dhe të pastrojmë gjithcka. Duam që iranianët të kenë një udhëheqës të mirë. Kemi disa njerëz të cilët mund ta bëjnë shumë mirë këtë detyrë”, ishte komenti i tij, teksa u shpreh kundër emërimit të djalit të udhëheqësit të vrarë suprem iranian Ali Khamenei, Mojtaba. Ata po humbasin kohën. Djali i Khameneit është peshë e lehtë. Unë duhet të jem i përfshirë në emërim. Trump shtoi se do të preferonte të kishte një udhëheqës të ngjashëm me presidenten e Venezuelës, Delcy Rodriguez, e cila e zëvendësoi Nicolas Maduro pas rrëmbimit të tij nga forcat amerikane në janar. Edhe pse kishte shërbyer më parë si zv/presidente e Maduros, Rodriguez ka lejuar Uashingtonin të shesë naftën e Venezuelës dhe të ndërpresë furnizimet me karburant për Kubën nën kërcënimin e sulmeve të mëtejshme amerikane.