Avokatët e Donald Trumpit shpresonin shtyerjen deri në 2026, por gjykatësjafederale e çështjes kundër ish-presidentit amerikan vendosi 4 marsin 2024 si datën e gjyqit ndaj tij mbi akuzat se u përpoq të përmbyste rezultatin e zgjedhjeve të vitit 2020.Vendimi i gjykatëses Tanya Chutkan do të thotë se Trump ka të ngjarë t’i duhet të dalë në gjyq në të paktën tre çështje të veçanta penale, ndërsa bën fushatë për të siguruar emërimin e partisë republikane si kandidat i saj në presidencialet e 5 nëntorit të vitit që vjen.