Pasuria e Donald Trump u rrit me 3.6 miliardë dollarë. Perandoria financiare e presidentit të zgjedhur arriti një vlerë prej 6.1 miliardë dollarësh falë aksioneve të tij në “Trump Media & Technology Group”, kompania që zotëron platformën e mediave sociale “Truth”. Llogaritjet janë bërë nga “Forbes”, sipas të cilit Trump në fillim të vitit kishte një vlerë prej 2.5 miliardë dollarësh. Në mars, presidenti i zgjedhur arriti maksimumin, sepse vlera shkoi deri në shtatë miliardë dollarë. Megjithatë, në prill, aksionet e “Truth” humbën terren, duke e "varfëruar" manjatin përkohësisht. Gjithsesi, në maj, pasuria e tij shkoi në tetë miliardë dollarë me regjistrimin e rrjetit të tij social në bursë, përpara se të binte përsëri kur u shpall fajtor nga një juri e Nju Jorkut me 34 akuza. Ai u shpall fajtor për paratë që i kishte dhënë yllit të filave për të rritur Stormy Daniels. Në muajt në vijim, pasuria e tij pësoi ulje-ngritje, derisa arriti në 6.1 miliardë mbrëmjen e 26 dhjetorit. Sipas llogaritjeve të “Forbes”, bazuar në të dhënat që variojnë nga viti 2010 deri në vitin 2019, Trump shpenzon mesatarisht 130 milionë dollarë në vit. Gjatë katër viteve të tij të para në Shtëpinë e Bardhë e bënë atë të pasur, me bizneset e tij që realizuan 2.4 miliardë dollarë të ardhura dhe 550 milionë dollarë fitim midis 2017 dhe 2020.