Tashmë ka hyrë në fuqi armëpushimi mes Izraelit dhe Iranit, teksa presidenti i SHBA-së Donald Trump ka dhënë ultimatum. Donald Trump në një postim në Truth Social deklaroi: “Armëpushimi tani është në fuqi. Ju lutem mos e shkelni atë!” Izraeli nuk e ka pranuar publikisht propozimin për armëpushim. Televizioni shtetëror iranian njoftoi më parë se një armëpushim i ishte “imponuar” Izraelit. Presidenti i SHBA-së, Donald Trump, deklaroi se Izraeli dhe Irani iu afruan pothuajse njëkohësisht dhe i kërkuan paqe. Në këtë pikë, “e dija që koha kishte ardhur”, shkroi ai në një postim në Truth Social. “Bota dhe Lindja e Mesme janë fituesit e vërtetë. Të dy kombet do të shohin dashuri, paqe dhe prosperitet të jashtëzakonshëm në të ardhmen e tyre”. As Irani dhe as Izraeli nuk e kanë pranuar armëpushimin publikisht, megjithëse Irani sinjalizoi se do të ndalonte së sulmuari Izraelin nëse Izraeli do të ndalonte së sulmuari Iranin .