Donald Trump duket se e ka kërcënuar Iranin me veprime ushtarake, duke paralajmëruar se Ushtria Amerikane është "e armatosur dhe gati për të luftuar". Qëndrimi e tij, preësidenti i SHBA-së e bëri të qartë përmes një postimi në platformën e vet Truth Social, ku përshkallëzoi retorikën kundër regjimit iranian. “Nëse Irani qëllon dhe vret protestuesit paqësorë, siç e ka zakon, Shtetet e Bashkuara do t’i ndihmojnë. Ne jemi të gatshëm për të vepruar”, shkroi ai. Kërcënimet e Trumpit vijnë në kohën kur protesta kanë shpërthyer në të gjithë Iranin, me shumë tubues që bëjnë thirrje për rrëzimin e Ajatollah Khameneit. Mesazhi i tij vjen si shenjë mbështetje për protestuesit që po përballen me shtypje brutale nga forcat e sigurisë në Iran, pesë ditë pasi nisën protestat për shkak të gjendjes ekonomike dhe që rezultuan me disa vdekje dhe dhjetëra të arrestuar. Protestat nisën në Teheran më 28 dhjetor, për shkak të kolapsit të kursit të këmbimit të monedhës kombëtare kundrejt dollarit amerikan dhe inflacioni arriti në 52 për qind. Protestat më pas u përhapën në disa rajone të tjera. Në komentet dërguara Radios Farda po më 2 janar, një zëdhënës i Departamentit të Shtetit tha se “protestat pasqyrojnë zemërimin e kuptueshëm të popullit iranian ndaj dështimeve dhe justifikimeve të Qeverisë së tij”. Në përgjigje thuhet se regjimi iranian “vazhdon të shpërdorojë pasurinë e Iranit për të sponsorizuar terrorizmin në mbarë botën dhe për të shtypur popullin iranian, i cili dëshiron dhe meriton një jetë më të mirë”. “Ne do të vazhdojmë të ushtrojmë presion maksimal mbi regjimin”, tha DASH-i.