Donald Trump i kërkoi Europës të ushtrojë një presion akoma edhe më të madh financiar ndaj Rusisë dhe aleates së saj kryesore, Kinës, për ta detyruar Moskën t`i japë fund luftës në Ukrainë. Mesazhi i tij i drejtohej mbështetësve kryesorë europianë të Kievit, të cilët e ftuan kreun e administratës amerikan në takimin e “Koalicionit të të Gatshmëve” në Paris. Sipas një zyrtari të Shtëpisë së Bardhë të cituar nga reuters, në telefonatën e zhvilluar pas samitit “Trump theksoi se Europa duhet të ndalojë blerjen e naftës ruse që po financon luftën – pasi brenda një viti, Rusia mori 1.1 miliard euro nga shitjet e karburanteve për vetë Bashkimin Europian. Shënjestra e republikanit megjithatë, nuk ka qenë vetëm Rusia. Jatë bisedës telefonike, ai ka insistuar që liderët e kontinentit të vjetër shtojnë trysninë ekonomike edhe mbi Kinën. Trump, i cili foli me udhëheqësit evropianë pas mbledhjes në Paris, nuk komentoi drejtpërdrejt për takimin në Paris. Por, në deklarimet e mëvonshme për gazetarë, ai tha se “po, do ta bëja”, kur u pyet nëse planifikonte të fliste me presidentin rus, Vladimir Putin, në të ardhmen e afërt. Europa, që nga nisja e pushtimit rus të Ukrainës më 2022, ka tentuar të ulë varësinë që ka nga Rusia sa i përket furnizimeve me energji. Komisioni Evropian ka propozuar madje legjislacion për të hequr gradualisht importet e naftës dhe gazit rus nga BE deri më 1 janar 2028. Por vende si Hungaria dhe Sllovakia, të cilatudhëhiqen nga liderë nacionalistë që kanë lidhje të ngushta me Kremlinin, kanë vazhduar të importojnë produkte energjetike ruse, pavarësisht përpjekjeve të bllokut për diversifikim.