Detaje të reja zbulohen për ngjarjen e ndodhur dy ditë më parë në Lezhe iu vendos tritol zyrës së noteriale të Fran Gjonit. Nga hetimet e deritanishme, dyshohet se ngjarja është kryer nga dy persona, të cilët kanë përdorur një automjet të tipit BMW me targa të vjedhura, po ashtu dyshohet se automjeti prej kohesh nuk përdorej pasi ishte i aksidentuar. Nga pamje e kamerave të sigurise shihet Njëri nga autorët i cili kishte rolin e shoferit, ndërsa tjetri hodhi tritolin me fitil nga dritarja e pasagjerit tek shkallet e zyres noteriale. Grupi hetimor dyshon se pas ngjarjes dy autoret kanë dalë jashtë Lezhe. Policia dhe grupi hetimor kanë arritur të identifikojnë dy autorët e dyshuar. Hetimet janë përqendruar në pistën e aktivitetit profesional të Fran Gjonit si noter, por nuk përjashtohet mundesia e një sulmi për shkak të vëllait të tij, ish-gjyqtarit Gjin Gjoni, i cili deri pak javë më parë drejtonte degën e Partisë Demokratike në Lezhë dhe aktualisht është kandidat në primaret e kësaj force politike. Kujtojmë se ngjarja u shënua të mërkurën në oren 04:00 të mëngjesit duke shkaktuar dëme të shumta materiale. Policia vijon punën për kapjen e autorëve dhe zbardhjen e plotë të motiveve të këtij sulmi.