Kompania hekurudhore franceze paralajmëroi se ndërprerja nga sabotimi kundër rrjetit të trenave mund të zgjasë deri në fund të fundjavës dhe të prekë qindra mijëra pasagjerë të tjerë. Sulmet e koordinuara të zjarrvënieve në tre linja të rrjetit me shpejtësi të lartë shkaktoi kaos, disa orë përpara ceremonisë së hapjes për Lojërat Olimpike të Parisit. Një sulm i katërt u pengua nga punëtorët hekurudhor. Rreth një e katërta e trenave ndërkombëtarë të Eurostar u anuluan gjithashtu Kompania shtoi se klientët, trenat e të cilëve janë vonuar ose anuluar, do të kontaktohen me email ose mesazh me tekst. Eurostar tha se pritej që rreth një e pesta e shërbimeve gjatë fundjavës do të anulohej, ndërsa të gjithë trenat do të përballeshin me vonesa prej rreth 1.5 orë. Ministri i ri i Transportit tha se rreth 250,000 njerëz ishin prekur të Premten, ndërsa deri në 800,000 mund të përballen me vonesa dhe anulime deri të hënën.