Një 45 vjeçar nga fshati Kuç i Devollit është arrestuar nga policia pasi ka ngacmuar seksualisht një 15 vjeçar nga fshati Poloskë. Sipas rrëfimit të nënës dhe të vetë 15-vjeçarit, ai e ka marrë djalin e mitur në periferi të fshatit dhe e ka ngacmuar seksualisht. I mituri më momentin që 45-vjeçari, baba i tre fëmijëve ka nisur të bëjë veprime të papërshtatshme, fatmirësisht ka mundur të largohet. "Në dyqani, më tha mua hajde pak me mua. 3 herë jam takuar. Më ka thënë hajde me mua, do të jap lek, do të çoj këtu, do të çoj atje. I thashë jo se unë dal me shokët. S’kam nevojë. Pastaj shkuam në këmbë nga xhadeja e në ca qershi, më tha ulu pak në bar. U ula pastaj u ngrit e po më prekte dhe do më hiqte tutat po unë se lashë. Pastaj ika unë. Kaq." "Në lokalin e fshatit Poloskë, atje ka qenë një zotëri nga fshati Kuç dhe ma ka gënjyer djalin. Djali kishte në xhepin e xhupit një pineskë që ngulet, ja ka shpuar duart personit dhe wshtw largua me vrap. Ai e ka ndjekur 10 metra, kur djali erdhi në shtëpi, ishte i trembur. Sot e kisha në spital në Korçë, për analiza dhe e kam të trembur jashtë mase nga ai person. I lutem shtetit që të marrë masa rreptësisht për atë person dhe të tjerë që merren me fëmijë të mitur në këto mënyra, që i gënjejnë se do t’i japin lek dhe që duan marrëdhënie seksuale. Dua vetëm drejtësi se burri më ka vdekur dhe fëmijën tim s’dua të përdorë ai kriminel” Policia zyrtarisht njoftoi se ka arrestuar 45 vjeçarin Aleks Ago për ngacmim seksual ndërkohë që çështja ka kaluar për hetim në prokurori