Personi që humbi jetën gjatë tërmetit në Kretë po punonte në një kishë së bashku me të birin të cilin thuhet ta ketë ndihmuar në momentet kur toka u shkund. 62 vjecari dhe djali i tij ishin angazhuar për rindërtimin e Kishës Profitis Ilias në Arklochori kur trupi i tij u nxorr nga rrënojat. Djali është i plagosur dhe thuhet të ketë pësuar disa fraktura. Viktima ishte baba id t fëmijëve dhe së fundi ishte bërë gjysh. Kisha ku ai po punonte kishte marrë disa dëmtime nga tërmetet e mëparshme. Tërmeti është ndjerë në gjithë ishullin, ashtu sikurse në ishullin Santorini, një destinacion i famshëm për pushime në veri të Kretës. Qendra Sizmologjike për Europën dhe Mesdheun, si dhe Shërbimi Gjeologjik Amerikan, thanë fillimisht se tërmeti ka qenë i mangtinudes 6.0 s, me epiqendër shtatë kilometra në veri të fshatit Thrapsano. Është e zakonshme që institute të tilla të ofrojnë të dhëna të afërta për tërmetet, në orët e para prej kur ato kanë ndodhur. Përgjatë Detit Egje në Turqi, tërmeti është ndjerë në zonën bregdetare në distriktin Datca, por atje nuk pati viktima.