Një nga tërmetet më të forta të regjistruara ndonjëherë goditi sot Lindjen e Largët duke shkaktuar cunami deri në katër metra në të gjithë Paqësorin dhe evakuime masive nga Hawaii në Japoni. Epiqendra e tërmetit ndodhej afërsisht 119 kilometra në lindje të Petropavlovskit në një thellësi prej 20.7 kilometrash, pranë brigjeve të Kamçatkës, në Rusi. Pas tërmetit, u lëshua një paralajmërim për cunami për Rusinë, Japoninë, Guamin , Haëaiin dhe Alaskën. Epiqendra e tërmetit ndodhej afërsisht 119 kilometra në lindje të Petropavlovskit në një thellësi prej 20.7 kilometrash. Autoritetet ruse thanë se një cunam goditi dhe përmbyti qytetin portual të Severo-Kurilsk, ndërsa popullsia prej rreth 2,000 banorësh e fshatit Kamçatka u evakuua. Video e postuara në media tregojnë muret e shtëpive që dridhen fort dhe papushim, ndërsa njerëzit thanë se e kishin gati të pamundur të dilnin prej tyre. Deri më tani raportohet për persona të lënduar, por jo në gjejndje kritike si dhe për dëme të shumta materiale. Zyrtarë në vendet me vijë bregdetare në Paqësor në Amerikën e Veriut dhe të Jugut përfshirë Shtetet e Bashkuara, Meksikën dhe Ekuadorin lëshuan paralajmërime për të shmangur plazhet e kërcënuara. Në Japoni, gati dy milionë njerëz u këshilluan të evakuoheshin dhe shumë prej tyre u larguan me makinë ose në këmbë drejt vendeve më të larta. Centrali bërthamor i Fukushimës është evakuuar. Në Haëaii, kryebashkiaku i Honolulusë, Rick Blangiardi, tha se banorët dhe mijëra vizitorë duhet të shkojnë në vende të sigurta në katet e sipërme të ndërtesave. Alarmet për cunami u dërguan në telefonat celularë në Kaliforni, sipas gazetarëve lokalë të AFP-së. "QËNDRONI TË FORTË DHE TË SIGURT!", shkroi Presidenti i SHBA-së, Donald Trump, në rrjetet sociale.