Policia e Krujës ka evidentuar dhe goditur një rast të tentativës dhe 1 rast të kultivimit të bimëve narkotike, si dhe ka vënë nën pranga 2 persona. Policia njofton se u ndalua shtetasi Sh. S., 42 vjeç, banues në Gramëz, Krujë, për veprën penale “Kultivimi i bimëve narkotike”, i shpallur në kërkim, pasi Gjykata e Rrethit Gjyqësor Krujë i ka vendosur masën e sigurisë “Arrest në burg” për të njëjtën vepër penale. Në momentin e kapjes, në fshatin Mallkuç, efektivet e Policisë kanë konstatuar këtë shtetas duke hapur 50 gropa si ato që përdoren për kultivimin e bimëve narkotike canabis. Gjithashtu, shërbimet e Policisë Krujë kanë arrestuar në flagrancë shtetasin T. Sh., 47 vjeç, banues në Mallkuç, pasi gjatë kontrollit të ushtruar në oborrin e banesës së tij, kanë gjetur të kultivuara disa bimë cannabis sativa. Njoftimi i policisë/ Krujë Vijojnë kontrollet nga Policia e Krujës, në zbatim të planit të masave për parandalimin dhe goditjen e tentativës për kultivim të bimëve narkotike. Parandalohen dhe goditen dy raste të tentativës për kultivim të bimëve narkotike.