Rajoni I ballkanit nuk ka të ardhme tjetër veç anëtarësimit në Bashkimin europian. Në sasmitin e brukselit liderët e BE ranë dakord që të përshpejtohet procesi I integrimit për vendet e ballkanit perëndimor. Ndërkohë që u kërkua hapja e kapitujëve për Shqipërinë dhe Maqedoninë e Veriut. Bashkimi europian dhe vendet e ballkanit perëndimor dolën me një deklaratë të përbashkët në fund të ditës së parë të samitit që po mbahet në Bruksel. Të gjitha palët u pajtuan që të përshpejtohet procesi I anëtarësimit i vendeve të Ballkanit në BE, po ashtu të rriten invesimet si dhe bashkëpunimi në sigurinë kibernetike. Në deklaratën për media, presidentja e Komisionit Europian tha se duhet të hapen sa më shpejt kapitujt e parë për Shqipërinë dhe Maqedoninë e veriut. Ndërsa Presidenti i Këshillit Evropian, Charles Michel konfirmoi edhe njëherë qëndrimin se është në favor të zhvillimit të zgjerimit dhe se shpreson që në ditën e dytë të samitit palët të arrijnë një dakordësi për të tejkaluar pengesat e shfaqura.