Sulmi më i fundit në Ukrainë, në qendër të qytetit të Kramatorsk solli viktima dhe të plagosur, ndërsa të mbijetuarit kanë treguar tmerrin e tyre. Ata shprehën urrejtje për sulmet, ndërsa frika ka pushtuar të gjithë banorët e zonës që po përballen me shpërthime raketash. Sipas AFP, dymbëdhjetë persona, përfshirë fëmijë, u vranë dhe dhjetëra të tjerë u plagosën kur raketat ruse goditën restorantin gjatë së martës. Restoranti ishte popullor me ushtarakë, vullnetarë dhe gazetarë, në momentin që u qëllua. Një nga dëshmitarët deklaroi se kishte lëndime të lehta nga predha, mavijosje dhe tronditje, ndërsa shumë të tjerë mbeten të lënduar më rëndë. Spitalet në Kramatorsk morën dhjetëra të plagosur pas shpërthimit, për të nisur më pas me kurimet e nevojshme. Të plagosurit më rëndë u transferuan më vonë në një spital më të madh në qytetin qendror të Dnipro, duke përfshirë një foshnjë 9-muajshe. Pamjet: AFP