Nga ajri dhe nga toka që nga rrafshnalta e Peshterit në jug e deri në Kragujevc në Serbinë Qendrore, me armë të rënda dhe me ushtarë, Serbia gjatë dy javëve të fundit demonstroi forcën ushtarake që ka në dispozicion. Avionët rusë MiG-29, helikopterët Airbus H-145M, tanket e tipit T-72 dhe automjeteve të blinduara BRDM-2 të marra nga Rusia, dronët luftarakë CH92-A të blera nga Kina si dhe nga pajisjet e prodhuara në Serbi, u ekspozuan për publikun thotë REL. Stërvitja taktike e përbashkët dyjavore u quajt “Shkreptima e rrufesë” . Që nga fillimi i vitit, Beogradi i ka shfaqur shtatë herë armët dhe pajisjet ushtarake përmes stërvitjeve ushtarake. Presidenti Aleksandar Vucic njoftoi se ushtria do të vazhdojë të pajisjet me armatim të ri. “Shumë gjëra do të marrim vitin e ardhshëm, cka do ta bëjë ushtrinë serbe dy herë më të fortë sesa është sot”, deklaroi ai. Njoftimi për blerjet e reja të armëve dhe pajisjeve ushtarake vjen një vit e gjysmë pasi Vuçici tha se Serbia do të ndalojë blerjen e armëve dhe se “ushtria do të modernizohet”. presidenti serb deklaroi në Peshter se Serbia “nuk është e interesuar për ndonjë luftë apo konflikt”, por është “duke forcuar ushtrinë për qëllime mbrojtjeje” sic tha ai. Ministria e Mbrojtjes u shpreh qëllimi i stërvitjes ushtarake në Peshter ishte që të paraqesë forcën që ka ushtria serbe “për t’iu përgjigjur sfidave, rreziqeve dhe kërcënimeve ndaj sigurisë së shtetit”.