Talibanët kanë mbyllur universitetet për gratë në Afganistan. Vendim ky qw do të jetë në fuqi deri në një njoftim të ri. Ky vendim kufizon edhe më shumë qasjen e grave në edukimin formal, pasi ato tashmw ishin përjashtuar nga mundësia për të vijuar arsimin fillor dhe të mesëm. Tre muaj më parë, mijëra gra dhe vajza në mbarë Afganistanin iu nënshtruan provimeve pranuese për në universitet. Por, megjithatë kishte pasur kufizime lidhur me drejtimet që ato mund të studionin, duke ua bwrw tw pamundur që të studionin për veterinari, inxhinieri, ekonomi dhe agrikulturë. Po ashtu, gazetaria ishte një drejtim jashtëzakonisht i kufizuar. Pas marrjes së pushtetit vitin e kaluar, talibanët bën ngjarje gjinore në universitete, ku gratë vijonin studimet në klasa të ndara dhe po ashtu u vendosën hyrje të veçanta në universitete për studentet. Në nëntor të këtij viti, autoritetet talibane po ashtu ua ndaluan grave që të shkonin në parqet e kryeqytetit afgan, Kabul.