Tarifat e taksive në kryeqytet kanë ndryshuar duke rritur çmimin e taksimetrit. Ky është vendim i Këshillit Bashkiak pas kërkesave të sindikatës, ku si arsye kryesore kanë rritjen e çmimit të naftës. “Tarifa që përdorej natën 300+50 do përdoret edhe ditën. Mbi 12 km ishte 80 lekë, sot do jetë 100 lekë. Kjo shtesë bëhet që taksisti të çojë dy lekë më shumë në shtëpi. 50 lekë është tarifa e shërbimit që i ofrohet qytetarit, pra ndihma me valixhet”, thotë taksisti Xhevit Bara.