Votuesit në Tajvan zgjodhën si president të tyre Lai Ching, duke I dhënë kështu një tjetër mandat të tretë Partisë Progresive Demokratike. Një zgjedhje kjo që I mundëson Tajvanit të largohet akoma dhe më shumë nga Kina, që e cilëson politikanin Ching si ngatërrestar dhe që kishte lobuar kundër tij. "Ne e kemi bërë atë. Ne nuk i lamë forcat e jashtme të ndikojnë në zgjedhjen tonë. Kjo sepse vendosëm që vetëm ne mund të zgjedhim presidentin tonë," tha presidenti I ri Lai Ching pas shpalljes së rezultateve ku u shpall fitues me rreth 405 të votave. Zgjedhjet e të shtunës ishin përshkruar si një provë që do të përcaktonte fatin e Tajvanit mes luftës dhe paqes. Lai prej vitit 2020 ka ushtruar funksionin e zëvendëspresidentit. Qasja e tij ideologjike ka qenë kundër Kinës dhe gjithmonë ka kërkuar pavarësinë e Tajvanit. Sipas BBC, gjatë fushatës elektorale, Pekini zyrtar hodhi akuza të shpeshta në drejtim të Presidentit të ri tajvanez me argumentin se është një separatist I rrezikshëm. Në këtë fushatë elektorale Lai Ching u përball me dy kundërshtarë– Hou Yu-in nga partia më e madhe opozitare e Tajvanit, dhe ish-kryetarin e Tajpeit, Ko Wen-je nga Partia e Popullit të Tajvanit. Këto zgjedhje e ndezën edhe më shumë konkurrencën globale SHBa-Kinë: kjo pasi Washingtoni e mbron ishullin prej kohësh me armë e luftanije dhe i ka ndaluar Pekinit imponimin e ndikimit të tij deri edhe ne ngushticën e Tajvanit, e për rrjedhojë, në mbarë Indo-Paqësorin, e kjo është një dhimbje koke e madhe për Pekinin duke qenë se ngushtica në fjalë përfaqëson një nyjë të rëndësishme për tregtinë kineze.