Shtetet e Bashkuara të Amerikës i kërkuan Pakistanit dhe Iranit të enjten që të shmangin përshkallëzimin e tensioneve pasi të dy vendet shkëmbyen sulme ajrore. Presidenti Joe Biden foli përpara gazetareve në Shtëpinë e Bardhë për këtë përplasje, duke thënë se Shtetet e Bashkuara po përpiqen të kuptojnë se deri ku do të shkojë konflikti mes tyre. "Siç mund ta shihni, Irani nuk është veçanërisht i pëlqyer në atë rajonrajon. Dhe se deri ku shkon kjo përplasje, ne nuk e dimë, por po e monitorojmë". Tensionet midis Pakistanit të armatosur me armë bërthamore, një aleat i SHBA-së, dhe armikut të Uashingtonit, Iranit u rritën kur Irani goditi objektivat e dyshuara të militantëve në Pakistan. Nga ana e tij edhe Pakistani u përgjigj me raketa. Ky incident i ri ka rritur trazirat në Lindjen e Mesme ku Izraeli vijon sulmet mbi Rripin e Gazës, ndërsa paralajmëron nisjen e një ofensive edhe ndaj Libanit. Pamjet: AFP