Këshilli i Sigurimit i Kombeve të Bashkuara pritet të mblidhet të hënën, sipas CNN për të diskutuar në lidhje me sulmin me raketa të Shteteve të Bashkuara ndaj objektiave të grupeve militante në Irak dhe Siri. Ka qënë Rusia ajo që ka kërkuar një mbledhje urgjente të Këshillit të Sigurimit, sipas zëdhënëses së Ministrisë së Jashtme ruse Maria Zakharova. Ajo tha tha se sulmet ajrore amerikane "i treguan edhe një herë botës natyrën agresive të politikës amerikane në Lindjen e Mesme dhe shpërfilljen e plotë të Uashingtonit për ligjin ndërkombëtar". Kritikat e Rusisë vijnë në të njëjtën kohë që ky shtet prej më shumë se dy vitesh po sulmon Ukrainën, një luftë kjo e papvrovokuar që ka shkaktuar mijëra viktima. Sulmin e dënuan edhe militantët e Hamasit në Rripin e Gazës si dhe ata të Hezbollahut në Liban, të cilët e mbështet Irani. Ndërkohë një zyrtar i lartë amerikan i ka thënë CNN se edhe Jordania mori pjesë në operacionin e Shteteve të Bashkuara mbi objektivat e mbështetur nga Irani. Jordania është një prej aleateve të SHBA-ve, dhe pikërisht në territorin e saj ndodhet baza ushtarake Kulla 22 pranë kufirit të vendit me Sirinë dhe Irakun që u godit me dron. Ishte pikërisht ky sulm nga i cili mbetën të vrarë tre ushtarë amerikanë që nxiti hakmarrjen e shteteve të Bashkuara Pamjet: AFP