Një sërë vendesh islamike kanë reaguar ashpër ndaj djegies së faqeve të Kuranit përpara një xhamie në Stokholm nga një irakian. Një grup protestuesish u përpoqën të hynin në ndërtesën e ambasadës suedeze në Bagdad pas thirrjeve të klerikut shiit Moqtada Sadr për një tubim përpara ndërtesës së misionit diplomatic me thirrjet për shkarkimin e ambasadorit, dhe akuzat drejtuar Suedisë se është "armiqësore ndaj Islamit". Qeveria irankiane tha se veprime të tilla "ngacmojnë ndjenjat e muslimanëve në mbarë botën dhe përfaqësojnë një provokim të rrezikshëm për ta". Jordania thirri ambasadorin suedez të enjten, e të njëjtën gjë bëri dhe Maroku. Iraku, Irani, Arabia Saudite, Liga Arabe, Egjipti, Kuvajti dhe Emiratet e Bashkuara Arabe e kritikuan ashpër qëndrimin e autoriteteve suedeze. Irani po ashtu foli për një gjest “provokues, të pamenduar dhe të papranueshëm", ndërsa tha se ishte detyrimi i Suedisë të parandalonte "përsëritjen e fyerjeve ndaj shenjtorëve".