Kryetarja e kuvendit Elisa Spiropali zhvilloi një vizitë në Itali me komunitetin shqiptar të arbëreshëve dhe mbajti një fjalë në Konferencën mbi Gjergj Kastrioti Skënderbeun. Për t’iu bashkuar gëzimit të tyre me rastin e ngritjes së përmendores së Heroit tonë, Gjergj Kastriot Skënderbeut, e për të dëshmuar afërsinë, kujdesin, dhe ndjenjat e pamohueshme vëllazërore, Kryetarja e Kuvendit të Shqipërisë, Elisa Spiropali i ka surprizuar banorët vendas, duke u veshur me kostumin e tyre tradicional, si për t’u sjellë një mesazh nga Shqipëria: ne jemi një! Është shumë domethënëse që të flasim për Skënderbeun këtu, në Horën e Arbëreshët. Figura e Gjergj Kastriotit ka qenë një faktor mbijetese dhe kohezioni, si midis të gjithë brezave të shqiptarëve, ashtu edhe ndër ju, arbëreshët. Hora e Arbëreshëve dhe ju, arbëreshët e Horës, keni një kontribut madhor në mbijetesën dhe ruajtjen e gjuhës, kulturës dhe letërsisë arbëreshe. Unë jam e nderuar të jem sot në qendrën më të madhe të Arbëreshëve të Sicilisë dhe Italisë, për nga numri i popullsisë. Hora e Arbëreshëve theksoi kryetarja e kuvendit të Shqipërisë është më tepër se kaq, është një qendër e rëndësishme e e lulëzimit kulturor, social, politik dhe fetar të komunitetit arbëresh të Sicilisë dhe Italisë.