Delegacionet ushtarake nga Rusia, Ukraina dhe Turqia takohen sot me përfaqësuesit e Kombeve të Bashkuara me shpresëbn t`i japin fund ngërcit të drithërave ukrainase, të bllokuara për shkak të agresionit rus ndaj vendi fqinj. Takimi mbahet në Stamboll, i paraprire nga biseda telefonike që presidenti turk Recep Tayyip Erdogan, zhvilloi për këtë cështje me shefin e Kremlinit, Vladimir Putin, dhe homologun ukrainas, Volodymyr Zelensky. Ukraina dhe aleatët e saj po kërkojnë që të rihapen portet e saj në Detin e Zi, që sipas Kievit janë mbyllur për shkak të bllokadës ruse. Shtetet perëndimore kanë rritur kërkesat e tyre për rihapjen e porteve dhe lejimin e dërgesave të drithit, veçanërisht në shtetet e Lindjes së Mesdhe dhe Afrikës të cilat varen nga drithi ukrainas për të ushqyer popullatën e tyre.