Shënohet sot Dita Kombëtare e Rinisë. Si sot 33 vjet më parë një grup studentësh dhe pedagogësh i dhanë goditjen e parë diktaturës. Përmes protestave paqësore nga Qyteti Studenti në sheshin e Tiranës, ata u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë. Motoja e protestës së tyre paqësore e “E duam Shqipërinë si gjithë Europa”, kishte në thelb kërkesat për ngritjen e sistemit të vlerave perëndimore, shtetit të së drejtës; integrimin në Europë dhe garantimin e pluralizmit politik si bazë kryesore për një shoqëri të lirë e demokratike. Lëvizja Studentore e vitit 1990 është e vetmja Lëvizje paqësore që ndryshoi historinë e Shqipërisë. Protestat vazhduan për dy ditë, deri më datën 11 dhjetor në mbrëmje kur në takim me Ramzi Alinë u konfirmua edhe pluralizmi politik, të cilin e shpallën menjëherë pas kthimit nga ai takim, duke nisur edhe organizimet për themelimin e Partisë Demokratike.