Pas një sage të gjatë mosmarrëveshjesh dhe ngërçesh ligjore që prej dhjetorit të shkuar, më në fund sot atletika ka vendosur për drejtuesit e rinj të Federatës. Izmir Smajlaj si kandidat i vetëm në këtë Asamble Zgjedhore fitoi me rezultatin 10-0 duke u shpallur president I Federatës Shqiptare të Atletikës për 4 vitet e ardhshme. Në një intervistë të tij të parë si president për Top Channel Smajlaj tregon. “Zgjedhjet shkuan shumë mirë, ishte një proces i rregullt dhe transparent. Pata bekimin e Asamblesë që besuan tek unë që të jem në krye të federatës së shqiptare të atletikës për 4 vitet e ardhshme”, shprehet Izmir Smajlaj, president i Federatës Shqiptare të Atletikës.