Qendra e parë në Britani për konsumimin e sigurt të drogës është hapur zyrtarisht në pjesën lindore të qytetit skocez të Gllasgout, ku do lejohen përdoruesit e drogës të konsumojnë drogën, përfshi injektimin e heroinës, në një ambjent të mbikqyrur, të paster dhe higjenik. Sipas të dhënave zyrtare mësohet se vetëm në 2023 humbën jetën nga keqpërdorimi i drogës 1.172 veta në Skoci me një rritje prej 12 përqind më shumë se një vit me pare ose 121 vdekje më shumë. Qëndra e marrjes së drogës e cila është pagëzuar me emrin Gjëmbaci , c’ka është një lule simbol në Skoci, do të jetë e hapur gjatë tërë vitit nga 9 e mëngjesit deri në 9 të mbrëmjes, e cila mbështetet financiarisht nga qevria skoceze me një fond prej 2.3 milionë stërlinash, për të luftuar krizën e vdekshmërisë nga përdorimi i drogave te forta. Në këtë qëndër nuk do ofrohet drogë, por përdoruesit do duhet ta sjellin atë me vete vete për konsumimin e tyre, ku përvec 8 dhomave të marrjes së drogës, ka edhe një zonë rikuperimi, dhoma private për biseda, një paradhomë me libra dhe pije te ngrohta, një vënd ku mund të përzgjedhin rroba pa lekë, si dhe një strehë në ambjent te hapur per pirjen e duhanit. Po ashtu në qëndër ka edhe dy dhoma ku përdoruesit e drogës mund ëe aksesojnë një game trajtimesh mjekësore si për plagë që mund të kenë apo të bëjnë testime për viruset ne gjak. Kjo qëndër fillimisht u propozua në vitin 2016, dy vjet pasi Gllasgou regjiistroi numrin më të lartë të të infektuarëve me sëmundjen HIV në 30 vjet nga individë që kishin injektuar drogë në organizmin e tyre. Por duhej pritur marrëveshja mes Londrës dhe Skocisë për të lejuar funksionimin e kësaj qëndre në vitin 2023. Autoritetet presin të mësojnë shumë për efektivitetin e kësaj skeme pilot që në muajt e parë të hapjes së saj, në një qytet si Gllazgou, ku numri i përporuesve të drogave të forta është jashtëzakonisht i lartë,