Pas përmbytjeve katastrofike, Spanja përgatit për reshje të reja, dhe sërish më të rrezikuarat janë rajonet e prekura më rëndë deri tani si Valencia dhe Kastejon. Paralajmërime për një përkeqësim të motit me reshje të rrëmbyera janë dhënë për të gjitha brigjet lindore dhe jugperëndimore të Spanjës, me një paralajmërim të kuq të lëshuar për qytetin port të Huelvas. 158 persona kanë humbur jetën nga reshjet rekord dhe përmbytjet masive që i pasuan; 155 persona në Komunitetin Valencian, dy në Castile-La Mancha dhe një në Andaluzi. Sipas gazetës spanjolle El Pais, ekipet e urgjencës po përpiqen të rivendosin shërbimet bazë në Valencia, por gjendja paraqitet e vështirë. Kreu rajonal i Valencias, Carlos Mazon, njoftoi se për të prekurit ngha fatkeqësia natyrore do të ndahen 250 milionë euro ndihma. Zyrtarët e nuk kanë bërë të ditur numrin e personave ende të zhdukur, por thonë vetëm se ka “shumë të tillë”. Vetëm gjatë ditës së enjte, bilanci i viktimave u rrit menjëherë me rreth 60 të vdekur.