Diskutimet në Kajro me Hamas për arritjen e një armpëshimi në Gaza dhe lirimin e pengjeve izraelitë përfunduan pa sukses. Sipas zyrtarëve egjiptianë, raporton asocciadet press, grupi militant refuzoi kërkesën e parashtruar nga Izraeli, I cili nuk mori pjesë në bisedime pas refuzimit të kërkesës për të mësuar emrat e pengjeve që janë ende gjallë. Ata thanë gjithashtu se Hamas prezantoi një propozim I cili do të diskutohet në ditët në vijim por pa dhënë shumë detaje. Grupi militant refuzoi lirimin e 100 pengjeve që po mban në Gaza si dhe kthimin e trupave të pajetë. Kjo gjë do të jetë e mundur, sipas Hamas, vetëm nëse Izraeli ndërpret ofensivën dhe pranon lirimin e të burgosurëve palestinezë, përfshirë militantë të lartë që po vuajnë dënim të përjetshëm. SHBA, Katari dhe Egjipti u angazhuan me javë të tëra për arritjen e një marrëveshje para muajit të shenjtë të Ramazanit, që do të sillte një armëpushim 6 javor në Gaza. Por pavarësisht intensimit, palët nuk ranë dakord për kushtet. Presidenti Biden tha se situata është tejet e rrezikshme nëse palët nuk arrijnë një marrëveshje sa më shpejt të jetë e mundur. Madje ai tha se armëpushimi është në dorë të Hamas. Qëndrim që u mbajt dhe nga sekretari amerikan I shtetit, Antony Blinken. Ndërkohë kryeministri I Izraelit, Benjmin Netanyahu vijon të këmbëngulë se do të vazhdojë ofensivën ushtarake deri në shkatërrimin e Hamas dhe kthimin e të gjitha pengjeve. Pamjet: AFP