Simbolike biblike, homazh për George VI apo një planifikim i zgjuar? Ekspertët në Britani po mundohen t`i japin një arsye zhvendosjes së arkivolit të Mbretëreshës nga Buckingham Palace në Westminster Hall pikërisht në orën 14:22 (2:22). Familja mbretërore e shoqëroi monarken në këmbë në udhëtimin drejt parlament, ku qindra mijëra njerëz do te vazhdojne të bëjnë nderimet e tyre pasi do të qëndrojnë në radhë qe mund te zgjasin edhe per 40 orë. Arsyeja e saktë e përzgjedhjes së kësaj ore nuk është bërë e ditur nga pallati Mbretëror, duke i dhënë kështu udhë hamendësimeve. Sipas Biblës, numri 222 përfaqëson unitetin, dashurinë dhebart një mesazh tejet të rëndësishëm shpirtëror nga vetë Zoti. Ky numër konsiderohet shumë i fuqishëm pasi ndihmon në krijimin e një lidhjeje te ngushte me forcat hyjnore. Nga ana tjetër, pas vdekjes së babait të Mbretëreshës Elizabetë, Mbretit George VI në vitin 1952, këmbanat ranë 56 herë në Windsor - një për çdo vit të jetës së tij - nga ora 13:27 deri në orën 14:22. Biografi mbretëror Robert Lacey megjithatë ndan bindjen se për të gjithë këtë, mund të ketë një arsye shume më të thjeshtë: organizatoret mbase thjesht donin të siguroheshin se procesioni do të mund të arrinte në Westminster Hall në orën 15:00. Në Londër sakaq, njerëzit janë mbledhur për të dytën ditë më radhe per t`i bere monarkes nderimet e tyre, e nuk ishin të paktë edhe ata që kaluan natën jashtë për këtë qëllim.