1607 punonjës të Policisë së Rendit, Policisë Rrugore, Ndërhyrjes së Shpejtë, Kufirit dhe Migracionit, Policisë Kriminale janë angazhuar në të gjithë vendit, për të garantuar një sezon turistik të qetë dhe të sigurt për qytetarët dhe pushuesit. Njoftimi i plotë i policisë: Policia e Shtetit ka planifikuar dhe ka marrë një sërë masash, me qëllim krijimin dhe garantimin e kushteve sa më të mira të sigurisë, për pushimet e shtetasve shqiptarë dhe të huaj në zonat turistike për periudhën e sezonit turistik veror, duke nisur nga Pikat e Kalimit Kufitar, në akset kryesore rrugore për qarkullimin sa më normal të automjeteve, për parandalimin e kriminalitetit në qendrat dhe banesat ku jetojnë, zbatimin e orarit të ndalimit të muzikës, për menaxhimin e zhurmave në qendrat urbane apo zonat turistike.