Suedia u bë anëtari më i ri i NATO-s në fillim të këtij muaji, duke iu bashkuar 31 vendeve në aleancën më të madhe ushtarake të botës dhe ombrellës së saj ushtarake që përfshin sigurisht SHBA-në. Në fakt, 49 nga 50 shtetet amerikane, sepse për shkak të një cudie gjeografiko-historike, Hawaii thotë CNN nuk mbulohet teknikisht nga pakti i NATO-s. Nëse një fuqi e huaj do të sulmonte Haëaiin – për shembull bazën e marinës amerikane në Pearl Harbor apo selinë e Komandës Indo-Paqësorit në veriperëndim të Honolulut – anëtarët e Organizatës së Traktatit të Atlantikut të Veriut nuk do të ishin të detyruar të ngriheshin në mbrojtje të shtetit ishullor. “Është gjëja më e çuditshme,” shprehet David Santoro, president i Forumit të Paqësorit në Honolulu, i cili shtoi se shumica e banorëve vendas në fakt, nuk e kanë idenë se shteti i tyre është teknikisht jashtë aleancës. Njerëzit priren të supozojnë se Hawaii është pjesë e SHBA-së dhe për këtë arsye mbulohet nga NATO”, thotë ai. Por ndërsa gjendet në Paqësor, ndryshe nga Kalifornia, Kolorado apo Alaska, shteti i 50-të nuk është pjesë e SHBA-së kontinentale që mbërrin Oqeanin Atlantik në brigjet e saj lindore.