A është Shqipëria rivale e Italisë? Është ky titulli I artikullit të gazetës italiane Corriere Romagna, e cila bën një krahasim mes paketave turistike që ofrojnë të dy vendet. Prej disa ditësh Shqipëria ka përfshirë titujt e të gjitha mediave italiane ndërsa po përballet me një bum turistësh, e veçanërisht nga ata italianë, që kanë zgjedhin brigjet në anën tjetër të Adriatikut për të pushuar, thuhet në artikullin që nxjerr në pah çmimet e lira si një nga arsyet e këtij fluksi. Por operatorët turistikë të Emilia Romagna thonë se bizneset në Shqipëri janë më të favorizuar pasi përballen me taksa shumë të ulëta krahasuar me ato italiane dhe kjo gjë ndikon që ata të ofrojnë paketa shumë më të mira për turistët. Gianni Indino një nga turoperatorët e kësaj zone, thekson se Italia e ka të pamundur të rivalizojë me Shqipërinë sa I takon çmimeve ndonëse mund të ofrojë shërbime shumë më cilësore. Por pavarësisht kësaj alternative, ai shton më tej se italianët dhe jo vetëm po zgjedhin gjithnjë e më shumë destinacione me çmime të lira siç është bregdeti shqiptar.