Mijëra francezë protestuan sot kundër vendimit të Presidentit Emanuel Macron për të emëruar kryeministër politikanin e qendrës së djathtë Michel Barnier. Partitë e së majtës e kane akuzuar presidentin francez për vjedhje të zgjedhjeve parlamentare. Udhëheqësit e partive të majta dhe sindikatat bënë thirrje për protesta masive, përpara një aksioni të ri, që mund të përshije mbajtjen e një greve më 1 tetor. Në intervistën e tij të parë si kryeminsitër, të premten Barnier tha se qeveria e tij, e cila nuk ka një shumicë të qartë, do të përfshijë konservatorë, anëtarë të kampit të Presidentit Macron dhe se shpresonte edhe për disa përfaqësues nga e majta. Presidenti francez emëroi kryeministër ish negociatorin e BE-së për Brexit-in, Michel Barnier, pas dy muajsh kaosi politik që pasuan zgjedhjet e parakohshme që zgjodhën një parlament të ndarë në tre blloqe.