Iku nga Shqipëria për një jetë më të mirë, por gjeti vdekjen në Itali në moshën 39 vjecare, e qëlluar nga i shoqi me cekic. Viktima është identifikua nga mediat italiane si Dorina Alla, ndërsa bashkëshorti si Besim Alla, 51 vjec me profesion metalpunues. Drama e tmerrshme familjare ndodhi në banesën e ciftit në Pove del Grappa, ku ishin transferuar përpara 4 vitesh. Pas një sherri të dhunshëm në shtëpi, 51 vjecari sipas Corrieredelveneto, e ka goditur vazhdimisht bashkëshorten me cekic në kokë. Më pas, ka marrë në telefon policinë duke pranuar se cfarë kishte bërë. Skuadrat e karabinierëve mbërritën me urgjencë në vendngjarje, por nuk patën mundësi tjetër përvecse të konfirmonin vdekjen e 39 vjecares. Në momentin e vrasjes, në shtëpi ndodheshin dhe fëmijët e ciftit, vajza 13 vjece dhe djali 9 vjecar. Të terrorizuar nga ulërimat e prindërve ata thirrën një kushërirë që banonte aty pranë, e cila rindërtoi ato momente tragjike në rrëfimin e saj për forcat e rendit.