Gjykata Kushtetuese ka shfuqizuar Bordin e Transparencës për karburantet duke e konsideruar si të papajtueshëm me Kushtetutën, pak ditë pasi shfuqizoi edhe Bordin e Ushqimeve Bordi i Karburanteve u krijua me akt normativ të qeverisë më 12 Mars 2022 për të mbajtur nën kontroll çmimet e karburanteve të ndikuara nga lufta në Ukrainë, por gjykata Kushtetuese arsyeton se ka pranuar pjesërisht kërkesën e jo më pak se një të pestës të deputetëve të Kuvendit të Shqipërisë dhe më konkretisht ka shfuqizuar nenin 21/10, pika 2, fjalia e dytë, nr. 39/2022 " Për miratimin e aktit normativ nr. 5, datë 12.03.2022 Për disa shtesa në ligjin nr. 8450, date 24.02.1999 "Per përpunimin, transportimin dhe tregtimin e naftës, të gazit dhe nënprodukteve të tyre", të ndryshuar", si të papajtueshëm me Kushtetutën e Republikës së Shqipërisë Në këtë nen përcaktohet kohëzgjatja dhe zbatimi i Bordit te Transparencës. Në pikën 2, fjalia e dyte e ketij neni thotë se: "Përfundimi i situatës së veçantë dhe i zbatimit të parashikimeve të këtij kreu përcaktohet me vendim të Bordit", gjë e cila me vendimin e Gjykatës Kushtetuese hidhet poshtë Ky vendim është përfundimtar dhe hyn në fuqi ditën e botimit në Fletoren Zyrtare. Vendimi përfundimtar do të shpallet i arsyetuar brenda afateve ligjore të parashikuara nga ligji Per organizimin dhe funksionimin e Gjykatës Kushtetuese të Republikës së Shqipërisë", i ndryshuar dhe nga Rregullorja për Procedurat Gjyqësore të Gjykatës Kushtetuese.