Edhe pse 13 shtatori u caktua si dita e parë e vitit të ri shkollor, ministria e arsimit njofton se institucionet arsimore parauniversitare do të hapin dyert që në 1 shtator. Përgjatë dy javëve nxënësit do të mund të përsërisin njohuritë e fituara gjatë vitit të kaluar shkollor si dhe do t’i përforcojnë ato për shkak të mangësive të krijuara nga mësimi në kohë pandemie. Në këtë periudhë mësimi do të zhvillohet në formë konsultimesh dhe në varësi të nevojave të identifikuara në çdo shkollë. Pra, temat që do të përzgjidhen nuk do të jenë të njëjta për të gjithë institucionet arsimore dhe do të jenë në dorë të mësuesit.