Hungaria do të shkelë sanksionet e BE-së nëse përmbush premtimin e tyre për të paguar energjinë ruse në rubla, kështu tha presidentja e Komisionit Evropian Ursula von der Leyen për CNN. “Bëmë një analizë të dekretit të Putinit dhe çështja ligjore është shumë e qartë. Ajo që po sugjeron Putini – ky transformimi i eurove në rubla dhe më pas pagimi i faturës së gazit – do të ishte një shkelje e sanksioneve. Nëse e bëni këtë, paguani në rubla, ju po shkelni sanksionet, po anashkaloni sanksionet që ne kemi vendosur ndaj Rusisë”, tha von der Leyen. Reagimi i Lejen erdhi pasi kryeministri hungarez Viktor Orbán kishte treguar se vendi i tij do të ishte i gatshëm të paguante për gazin rus në rubla pasi presidenti rus Vladimir Putin nënshkroi një dekret që kërkonte dicka të tillë. “Deri më tani Hungaria i është përmbajtur sanksioneve, kështu që derisa të mos shohim të kundërtën, është cdo gjë në rregull. Asnjëherë më parë nuk e kemi parë Bashkimin Evropian kaq të bashkuar, kaq të vendosur, kaq të shpejtë. Dhe unë kam për secilin prej vendeve tona anëtare, një pyetje, a duan të jenë i pari që do ta thyejnë atë unitet? Unë mendoj se jo”, tha ajo. Më herët Komisioni Evropian njoftoi se ka nisur një procedurë disiplinore kundër Hungarisë, që mund të çojë në ngrirjen e fondeve të bllokut evropian për shkak të shkeljeve të normave demokratike nga ana e Budapestit.