Republikanët e Dhomës së Përfaqësuesve kërkuan të martën dorëheqjen e menjëhershme të presidentes së Universitetit të Kolumbias, Dr. Minouh Shafik, duke thënë se ajo ka "humbur kontrollin e plotë" të kampusit të saj mes protestave pro-palestineze në rritje. "Udhëheqja e Universitetit ka humbur kontrollin e plotë. Është një turp dhe kjo është e papranueshme. Ne si republikanë të Dhomës së Përfaqësuesve i konsiderojmë ata përgjegjës”, ka thënë përfaqësuesja e republikanëve, Elise Stefanik. Dhjetëra protestues pushtuan ndërtesën e Universitetit të Kolumbias në Nju Jork të martën, duke barrikaduar hyrjet dhe duke shpalosur një flamur palestinez nga një dritare, në përshkallëzimin e fundit të demonstratave kundër luftës Izrael-Hamas, që janë përhapur në kampuset e kolegjeve në mbarë vendin. "Kjo nuk është fjalë e lirë e mbrojtur. Ajo që kjo po bën është shkelje e të drejtave të të tjerëve. Ata po brohorasin ‘Vdekje Amerikës’. E kaluan kufirin”, ka deklaruar kreu i Dhomës së Përfaqësuesve, Mike Johnson. Pamjet: AFP